Team Galing at Puso sang Poe-Escudero tandem, magahiwat sang rally sa Iloilo subong nga adlaw

Iloilo–Mahiwat sang rally sa syudad kag probinsya ang Team Galing at Puso sang tandem nanday Senators Grace Poe kag Chiz Escudero kaupod ang ila senatorial ticket subong nga adlaw.

Suno kay Vice Governor Raul Tupas, hiwaton ang rally sa Jaro Plaza halin alas-4 sa hapon tubtub alas 7 sa gab-i. Kalakip naman sa mga aktibidad sang Poe-Escudero tandem ang rally sa Carles kaupod ang mga opisyales kag kandidato sang Nationalist People’s Coalition nga pagatambungan sang nagkalain-lain nga grupo sa kaiping nga kabanwahanan sa Northern Iloilo.

Mapadulong man sa Barotac Vang grupo para sa posible meet and greet activity. Mabalik ang mga ini sa syudad para magbisita sa University of Iloilo kag mahiwat sang press conference.

May posibilidad nga maghapit sa simbahan sang Jaro ang senadora sa diin siya ginbilin sang lapsag pa.

Maupod sa rally sa Jaro Plaza sanday Congressman Win Gatchalian, actor-tv host Edu Manzano, Atty. Lorna Kapunan, Cong. Neri Colmenares, former Senator Miguel Zubiri, Manila Vice Mayor Isko Moreno, former general Samuel Pagdilao, Cong. Roman Romulo, Susan Ople, former Senator Dick Gordon, senators Ralph Recto kag Tito Sotto. (Aine Grace Bravo)