IPPO Director PSSUPT Roderick Augustus Alba, nagpaguwa sang advisory sa publiko batuk nagagamit sang iya pangalan!

Iloilo–Nagpaguwa sang advisory si IPPO Director PSSUPT Roderick Augustus Alba sa publiko nga indi magpati sa report nga nagapangilkil siya sang kuwarta.

Kasunod ini sang pagpa-blotter sang pulis nga assign sa waterfront detachment sa syudad sang Iloilo nga ginpahayag gintawgan sang lalaki nga nagapakilala kay alba kag nagapangayo sang PHP3,500 nga kuwarta agud ibakal sang gasolina sa iya motorsiklo. Nagapamahog ang suspek nga i-relieve ang pulis kon indi maghatag sang kuwarta.

Suno kay Alba, wala sang kamatuoran ang naguwa nga report. Luyag ni Alba nga istoryahon ang nagpa-blotter nga si PO1 Ismael Todesora agud mahibaluan ang isyu.

Nagapati si Alba nga isa sa mga modus operandi sang budol-budol gang ang ginreport nga extortion. Ang suspek suno kay Alba, nagagamit sang duha ka contact numbers kag nagahambal sang Cebuano dialect. (Aine Grace Bravo)