33.7 million pesos nga budget agud mahagan-hagan ang epekto sang El Niño sa probinsya, aprubado na sang Sangguniang Panlalawigan

Iloilo–Aprubado na ang 33.7 million pesos nga budget para sa Action Plan, Strategies to Mitigate and Adopt sa epekto sang El Niño phenomenon sa probinsya.

Gin-aprubahan ang budget sa regular session sang Sangguniang Panlalawigan kahapon. Suno kay Vice Governor Raul Tupas, natunga sa pito ka sectoral areas ang pondo nga ginalakipan sang water nga may 12 million pesos; 10 million pesos sa agriculture; forest and diversity-3 million pesos; information and education-3 million pesos; health-2.5 million pesos; veterinary-2 million pesos kag social capital nga 1.2 million pesos.

Na-atrasar ang pag-aprubar sang SP matapos ginpa-iway ang pagtalakay sang nagligad nga session bangud sa ginhimo nga clarification sa Provincial Disaster Risk Reduction and Management Office. (Aine Grace Bravo)