2 patay sang na-aksidente ang salakyan sang pamilya nga nag-outing sa Bucari, Leon
Iloilo–Nagtapos sa trahedya ang outing sang isa ka pamilya sa summer capital sang probinsya sa Barangay Bucari, Leon kahapon.
Nagtakilid kag nahulog sa banglid sa Mali-ao, Leon ang ginasakyan nga jeep sang magpamilya nga gintunaan sang kamatayon ni Barangay Tanod Rodney Cabaluna sang Pagsanga-an, Pavia kag Pila Guia Jasa, 80-anyos. Ang iban pa nga mga nasamaran ginkilala kanday Herman Castaño, 33; Winnie Jasa, 43; Mike Arnie Castaño, 27; Anjenette Jasa; Kenneth Cabaluna, 15; Annabelle Jasa, 38; Joshua Lee Caminse, 17; Alvin Cabaluna, 25; driver nga si Monico Jasa Jr; Mary Ann Castaño, 29; Ron Carlo Cabaluna; Eduardo Jalando-on, 53; Kurt Ivan Cabaluna; Cherry Jasa, 12; John Philip Jasa, 6; Harold John Cabaluna, 15; Tommy Castaño; Joey Jasa kag Lorraine Hasa.
Ginpahayag nga nadulaan sang kontrol sa manibela ang driver gani nga nagdiretso kag nahulog sa banglid ang jeep. (Aine Grace Bravo)