Ilonggo nga Palanca Hall of Famer Leoncio Deriada, magalunsar sang duha ka mga libro

Iloilo City — Magalunsar sang duha sini ka mga libro ang Palanca Hall of Famer kag Gawad CCP para sa Sining awardee nga si Leoncio Deriada subong nga adlaw.

Ang Eerie, ang koleksyon sang mga indi kinaandan nga mga personal nga experiensiya sang author samtang ang Praktikal Hiligaynon para sa mga brodkaster kag mga manunudlo ang libro sa basic hiligaynon nga ginsulat gid sini para sa mga broadcasters kag teachers.

Ginatutukan sa amo nga libro ang common lapses sang mga broadcasters sa Iloilo.

Para man ini sa mga manunudlo kag Mass Communication students. Daku ini nga bulig para sa mga nabudlayan sa basic hiligaynon.

Ang launching sang mga libro nga gin-publish sang KasingKasing Press hiwaton sa Mango Tree Restaurant las 4 karon sa hapon.

Si Deriada ang Professor Emeritus sang UP-Visayas. Kilala nga manunudlo kag manunulat, si Deriada ang napilian nga Metrobank Outstanding Teacher kag nalakip sa Palanca Hall of Fame.

Nahatagan ini sang award sa Gawad CCP sa Sining Literature sang 2015, Kampeon ng Wika sang Komisyon ng Wikang Filipino kag Lifetime Achievement Award in Literature halin sa National Commission for Culture and the Arts (NCCA).

Si Deriada ang nakasulat kag naka-edit na sang masobra 20 ka mga libro halin 1984.

Ang iya una nga nobela nga People on Guerrero St., ang co-winner sang National Book Award para sa Novel in English sang 2004. (JoMaque)