Kaso nga libel nga ginpasaka ni Melvin Odicta alyas Boyet batuk sa Aksyon Radyo Iloilo, gin-dismiss sang fiskalya
Read Time:1 Minute, 4 Second
Iloilo City — Gin-dismiss sang fiskalya ang kaso nga libel nga ginpasaka ni Melvin Odicta, ang gintudlo sang PDEA 6 nga lider sang drug group sa iloilo, batuk kanday Aksyon Jun Capulot, Aksyon John Paul Tia, kag Manila Broadcasting Company (MBC) President Ruperto Nicdao Jr. 
Gin-alegar ni Odicta nga gintawag sila sang iya asawa ni Aksyon Jun Capulot nga mga manugbaligya sang illegal drugs kag amo ang responsable sa paghaboy sang higku sang tawo kag baug nga itlog sa building nga gina-okupar sang Aksyon Radyo Iloilo sa iya programa nga Aksyon Night Patrol.
Ginpabutyag ni Odicta nga naguba ang imahe niya bilang negosyante bangud sa mga ginpanghambal suno sa iya ni Capulot.
Sa resolution ni Fiscal Rysty Ann Espinosa-Borja, nabutang nga makaduluda ang kaundan sang judicial affidavit ni Odicta.
Maathag suno sa fiskalya nga gintudluan kag nagbinutig si Odicta sa iya judicial affidavit bangud plastado ang kada tinaga nga ginpahayag iya nabatian sa programa ni Capulot kag ang pag-quote niya sang kaundan sang Article 353 sang Revised Penal Code nga verbatim ukon word-for-word.
Suno pa sa fiskalya, nagatandog sa interest sang publiko ang mga negosyo ni Odicta gani mahimo makometaryohan ilabe na gid kon may kaangtanan sa operasyon ukon sa conduct sang tag-iya kag sang mga empleyado. (JoMaque)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Councilor Romel Duron nga nag-sponsor sang LPTRP ordinance, nag-sorry sa mga naapektuhan; Duron, handa nga mag-sponsor agud ma-repeal ang ordinansa
ILOILO CITY – Nagpangayo sang pasaylo si Councilor Romel Duron sa mga na-apektuhan sang Local Public Transport Route Plan sang...
Lalaki, patay sang nabungguan sang truck sa Passi City
ILOILO -- Patay ang 55-anyos nga lalaki sang nabungguan sang truck sa Barangay Agtambo, Passi City kahapon sang kaagahon, Hulyo...
Mga rationalized routes, gamiton gihapon sa tiun sang temporaryo nga suspension sang LPTRP — LTFRB 6
ILOILO CITY -- Nahisugtan sa pagsinapol sang Land Transportation Franchising and Regulatory Board (LTFRB) 6, PSTMO, kag transport operators nga...
Driver sang Ford Ranger Raptor, nagsulod sa bike lane sa Diversion Road, Taft North, Mandurriao
ILOILO CITY -- Nagdiretso liko sa bike lane ang Ford Ranger Raptor nga may plate number FHS 312 sa stop...
Security guard, nasapwan nga patay sa sulod sang iya gina-arkilahan nga kwarto sa Molo
ILOILO CITY – Yara na sa early state of decomposition ang security guard nga nasapwan nga patay sa sulod sang...
Truck kag SUV, nagbunggu-anay sa San Joaquin
ILOILO -- May mga minor nga kapilasan ang driver sang truck kag sang SUV sang nagbuggu-anay sa Qui-anan, San Joaquin....
Average Rating