Masobra P600K nga alahas kag gadgets, ginkawat sa sulod sang lodging house sa Estancia!

Estancia, Iloilo — Masobra sa P600,000 nga balor sang alahas kag gadgets ang nadula sang ginsulod sang mga kawatan kaina sang kaagahon ang lodging house sa Estancia nga ginadayonan sang mga professor sang Northern Iloilo Polytechnic College (NIPC).

Nakuha kay Professor Flordeliza Sobrevega, 46-anyus kag Human Resource Management Officer sang NIPC, ang kulintas nga nagabalor sang P545,000; bracelet nga nagabili sang P60,000; isa ka camera, 2 ka cellphone kag P3,500 pesos nga cash.

Nakuha man kay Professor Veden Elpon, 58 anyus ang laptop nga nabili sang P29,000; cellphone nga ginabanta nagabili sang P12,000, bankbook, ATM card kag mga alahas.

Ginpahayag nga gingamitan sang eliminated card ang doorknob kabangdanan nga nabuksan ang pwertahan kag nakasulod ang kawatan sa kwarto. (JoMaque)