Barangay Kagawad kag ginpasuni nga traffic aide sang Iloilo City, nadakpan sa separado nga drugbust operations sa probinsya!

Iloilo–Nadakpan sa drugbust operation ang barangay kagawad nga yara sa watchlist sang Janiuay kag Mina police.

Nakuhaan si Barangay Kagawad Alfredo Alcallar sang Guadalupe, Janiuay sang lima ka sachets sang suspected shabu, 540 pesos nga cash lakip ang 200 pesos nga marked money kag mga drug paraphernalia. Ginhimo ang operasyon sa Cabalabaguan, Mina.

Si Barangay Kagawad Alcallar ang number 4 drug personality sa listahan sang Janiuay police kag number 10 sa Mina.

‘Oton Drugbust’

Sa pihak nga bahin, arestado man ang ginpahayag traffic aide sang syudad sa buybust operation sa Trapiche, Oton kagab-i. Ginkilala ini kay Benjamin Gequillana sang Sta. Cruz, Arevalo.

Nakuha kay Gequillana ang duha ka sachets sang suspected shabu kag mga drug paraphernalia. (Aine Grace Bravo)