December 8, 2021

City Fire Marshal Supt. Jerry Candido, nagpanugyan sa publiko nga hatagan pagtamod ang pag-ilis sang electrical installations sa mga balay agud makalikaw sa disgrasya

Read Time:51 Second

BFPIloilo City — Tiun na agud hatagan pagtamod ang pag-ilis sang electrical installations sa mga balay agud makalikaw sa disgrasya.

Panugyan ini ni City Fire Marshal Fire Supt. Jerry Candido matapos naguwa sa ila imbestigasyon nga short circuit ang ginhalinan sang sunog nga naglamon sang 60 ka mga balay sa Zone 1-B San Juan Molo kahapon.

Mahal suno kay Candido ang pagpatakud sang indi substandard nga electrical installations gani dapat nga suptan.

Ginsulit ni Candido nga mas importante ang kabuhi sang tawo kag kanugon man sang napundar nga kagamitan kon maubos sa sunog nga tuga sang short circuit bangud substandard ang linya.

Pa-athag ni Candido, indi makasarang sa electical load ang naandan na sang iban nga pagamit sang telephone wire bangud para lang ini sa telepono gani madasig nga mag-init kag malunay nga nagaresulta sa sunog.

Ginpanugyan man ni Candido ang pagpatakud sang mga linya sang kuryente sa experto agud malikawan ang loose connection.

Mas maayo pa gid kon may regular nga pagpa-check sa electrical line. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Supplemental Budget No. 2 nga nagalakip sang P360-M nga loan sang syudad para sa patindugon nga school buildings sang mga incoming senior high school students, gin-aprobahan sang city council
Next post Starex van, nagtakilid sa karsada sang nabungguan sang dump truck nga may karga nga duta