Supplemental Budget No. 2 nga nagalakip sang P360-M nga loan sang syudad para sa patindugon nga school buildings sang mga incoming senior high school students, gin-aprobahan sang city council

Iloilo City — Ginpalapawan ni Mayor Jed Patrick Mabilog ang mga pomoloyo angut sa P360 million  nga loan sang siudad para sa patindugon nga school building sa senior high school.

Ini ang rason suno kay Councilor Plaridel Nava nga wala sila nagpabor ni Councilor Joshua Alim nga aprobahan ang Supplemental Budget number 2 sa diin nalakip ang P360 million nga loan.

Ginkuwestyun ni Nava kon paano magapa-in sang budget nga wala pa gina-uyatan sang gobyerno ang pundo.

Ginapasar lang ang supplemental budget suno sa konsehal kon wala nalakip sa general budget kag kon may sobra nga pundo nga gamiton sa iban nga programa.

Nagapati si Nava nga ginpaagi sa supplemental budget ang 360 milyunes pesos nga loan bangud may hidden agenda si Mayor Mabilog.

Mahambal sa ulihi ang alkalde suno kay Nava nga bastante ang pundo sang DEP-ED kag PAGCOR sa patindugon nga school buildings para sa senior high school kag ang P360 million nga pundo gamiton na lang sa iban nga programa sang city government.

Wala sapayan sang mga punto nanday Nava kag Alim, na-aprobahan gihapon ang Supplemental Budget number 2 sa city council.

Una ini nga natabo sa konseho nga ang loan sang siudad ginpaagi sa supplemental budget. (JoMaque)

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %