Mga taxi meters, dapat ipa-calibrate suno sa LTFRB 6 agud ma-reflect ang permanent nga 30 pesos nga flagdown rate

Iloilo City–Kinahanglan nga ipa-calibrate ang mga taxi meters agud ma-reflect ang bag-o nga flagdown rate nga 30 pesos.

Suno kay Atty. Jose Marie Lamparero sang LTFRB 6, mabayad sang 500 pesos nga calibration fee ang mga taxi operators para sa ila mga units. Ang LTFRB ang maga-supervise sang calibration sa mga accredited nga calibration entity agud masigurado nga ensakto ang patak sang metro sang taxi.

Mahibaluan sang LTFRB kon calibrated ukon indi ang taxi meter bangud gina-check ini sang ahensya kada duha ka tuig. Hulaton naman sang LTFRB 6 ang kopya sang order halin sa central office agud mahibaluan kon san-o suguran ang pagpa-calibrate sang mga taxi units sa rehiyon.

Ginhimo sang LTFRB nga permanente sa 30 pesos ang flagdown rate matapos ang isa ka tuig nga pag-implementar sang 10 ka pesos nga provisional rollback sa 40 pesos nga flag down rate. (Aine Grace Bravo)