Bottom-up Budgeting, magatakus sang kapasidad sang mga punong barangay!

Iloilo–Matilawan ang kapasidad kag liderato sang mga punong barangay sa pag-implementar sang proyekto sa ila tagsa ka barangay paagi sa bottom-up budgeting ukon BUB nga natalana ipatuman sang gobyerno.

Gintipon kahapon para sa konsultasyon ang mga punong barangay sa probinsiya may kaangtanan sa pagpatuman sang BUB. Suno kay provincial DILG Officer Teodora Sumagaysay, subong nga tuig ang planning stage sa BUB kag sa masunod nga tuig ang implementasyon.

Sa BUB, direkta nga i-download sa kada barangay ang pondo para sa ila na-identify nga proyekto.

Ginkalipay naman ni Sumagaysay ang 98% nga attendance sang mga punong barangay sa aktibidad kahapon. (Aine Grace Bravo)