Punong barangay sa Tagbac Sur Oton, ginpadakop sa pulis ang iya bata nga ginpahayag adik na sa illegal nga druga

Oton, Iloilo — Ginpadakop sang punong barangay sang Tagbac Sur, Oton ang iya anak bangud sa ginpahayag na-adik na sa illegal drugs.

Ginreport ni punong barangay Fely Javellana ang anak nga si Andrew Mark Javellana, alyas Bonbon 27-anyos, sa mga pulis bangud nga nagalain na ang pamatasan sini.

Nagtuyo pa si Andrew Mark nga magbatu sa mga pulis sang nag-abot sa ila balay gamit ang tigib apang napunggan.

Narecover sa kuwarto sini ang duha ka sachet sang suspected shabu kag lighter.

Suno kay punong barangay Javellana, nagsugod sa pagbisyo ang iya bata sang high school bangud sa impluwensya sang barkada tubtub nga naglala.

Nagapakita na suno sa iya sang pagka-bayolente si Andrew Mark bangud sa sobra nga pagamit sang illegal nga druga. (JoMaque)