1 patay, 2 pilason sang na-aksidente sa Pakiad, Oton!
Oton, Iloilo–Patay ang driver sang elf truck nga si Nestor Guevarra bangud sang patal nga pilas sa ulo matapos nakabunggo ang iya ginamaneho sa naga-park nga truck sa kilid sang karsada sa Pakiad, Oton kaina sang kaagahon.
Padayon naman nga ginabulong sa ospital sanday Rolly Fernandez sang Guimaras kag Jonel Alarcon sang Molo nga napilasan sa nagkalain-lain nga parte sang ila lawas.
Ginpahayag nga ma-deliver kuntani sang dressed chicken ang mga biktima sa Iloilo Terminal Market sang natabu ang aksidente. (Aine Grace Bravo)