Fetus nga ginpa-anod sa sapa sa Pototan, ginlubong na!
Pototan, Iloilo–Ginpaka-maayo sang Pototan police nga pa-bendisyunan kag ipalubong ang fetus nga nakita sa Sitio Buhan, Barangya Tuburan kaina sang aga.
Suno kay PSINSP Ariel Corsino, hepe sang Pototan PNP, posible naghalin sa iban nga lugar ang fetus nga ginpa-anod lang sa sapa kag nasampay sa Barangay Tuburan.
Ginabanta nga naga-edad ang fetus sang lima ka bulan. Nakita ini sang duha ka kabataan nga nagpaligo sa sapa. (Aine Grace Bravo)