Chairman sang Regional Joint Security Control Center, naghatag sang temporary authority kay Mayor Jed Patrick Mabilog agud makakuha sang duha ka police escorts

Iloilo City–Duha ka mga pulis ang gin-otorisar sang chairman sang Regional Joint Security Control Center Atty. Rafael Olaño nga magaserbe nga escorts ni Mayor Jed Patrick Mabilog.

Nagrequest si Mabilog sa Commission on Elections sang police escorts matapos ginreport ni Iloilo City Police Office Director PSSUPT Kashmir Disomangcop nga may pamahug sa kabuhi ang alkalde. Temporaryo nga ginhatagan sang police escorts si Mabilog halin Marso 8 tubtob Abril 7 samtang wala pa makapaguwa sang desisyon ang Comelec.

Suno kay Atty. Olaño, gindesignar kanday PO3 Roger Sermonia kag Po2 Jomar Efundo halin sa ICPO agud mangin temporaryo nga police escorts ni Mayor Mabilog. (Aine Grace Bravo)