Balor sang kahalitan sa mga humayan sa probinsya bangud sa El Niño, ginbanta naglab-ot na sa P800-M

Iloilo — Kapin sa 59 mil ka metriko tonelada sang humay ang nadula sa probinsya kag ginabanta nagalab-ot sa P800 milyones ang halit nga dala sang el niño phenomenon ukon malawig nga tig-ilinit.

Suno kay Provincial Agriculturist Ildefonso Toledo, sa 31 ka mga banwa nga nagsumiter sang damage report, ang Sta. Barbara ang may pinakadako nga halit sa humayan bangud indi makasustiner ang tubig sa mga irigasyon.

Wala sapayan sa halit sang humayan, bentaha naman sa summer crops ang malawig nga tig-ilinit pareho sang melon, paho, kamunsil, serguelas kag ulutanon.

Sang damlag lang, gindeklarar nga under state of calamity ang Sta. Barbara kag Dueñas. (JoMaque)