Ground floor sang building sa Poblacion Tigbauan, nasunog!

Iloilo — Naupos ang ground floor sang commercial building nga gina-rentahan sang poultry supply, nagabaligya sang sapatos kag barber shop sa Poblacion, Tigbauan malapit sa simbahan kag eskuwelahan kaina.

Suno kay Inspector Hermogenes Eulatic, hepe sang Tigbauan PNP, nakit-an sang mga pumuluyo nga gulpi lang nagtub-ok ang aso sa building kag ginahibalo pa sang arson investigator kon bala overloaded sa elektrisidad ang rason sang sunog.

Wala na nakapangalapkap ang kalayo sa kaiping nga mga establisimento bangud napalibutan ang building sang matag-as nga mga pader. (JoMaque)