Una nga hugnat sang 2016 Candidates’ Forum sang Aksyon Radyo Iloilo kag UP Visayas, hiwaton karon sa hapon!

Iloilo City–Hiwaton karon sa hapon ang una nga hugnat sang 2016 Candidates’ Forum series sang Aksyon Radyo Iloilo sa tuyo nga mahimbisan ang mga lokal nga kandidato sa syudad kag probinsya para sa Mayo 9 nga eleksyon.

Katuyuan sini nga mahibaluan ang mga plataporma kag igkasangkol sang mga kandidato. Ka-partner sang Aksyon Radyo Iloilo sa amo nga aktibidad ang University of the Philippines in the Visayas paagi sa UPV sa Halalan 2016.

Una nga maga-atubangay sa debate ang mga kandidato sa pagka-kongresista sa lone district sang syudad nga sanday Atty. Dan Cartagena kag Congressman Jerry Treñas.

Magasugod ang Candidates’ Forum ala 1:30 tubtub alas-4:30 sa hapon sa UPV Auditorium sa General Luna Street, City Proper kag iga-cover live sang Aksyon Radyo Iloilo. (Aine Grace Bravo)