6 ka mga balay, nasunog sa Railway La Paz!

Iloilo City — Tatlo ka mga balay ang totally-damaged kag 3 ang partially-damaged sa sunog sa Zone 1 Railway La Paz kaina sang hapon.

Naupos gid ang balay nanday Antonio Ponce, Armin Estabio, Guillerma Saniega samtang partially-damaged ang balay nanday Joemarie Pabillaran, Evelyn Español kag Gloria Denila.

Napaso naman sanday Robert John Ponce, 21-anyos kag Edison Merang, 32 anyos.

Gina-imbestigaran pa sang arson investigator suno kay Railway punong barangay Nestor Canong kon bala naghalin ang kalayo sa balay ni ponce ukon Saniega.

Daku gid ang nabulig sang ginporma nga bucket brigade suno kay canong bangud sila ang una nga nagresponder paagi sa pagbasya sang tubig gamit ang balde antes nag-abot ang mga bombero. (JoMaque)