16-anyos nga manug-uling nga nag-ako nga nakagamit sang shabu, na-rescue sang BFP halin sa atop sang Iloilo Doctor’s College!

Iloilo City–Na-rescue sang taga-Bureau of Fire Protection (BFP) ang 16-anyos nga manug-uling nga nagsaka sa atop sang Iloilo Doctor’s College kag ginpahayag nga tuyo maglumpat kagab-i.

Suno kay City Fire Marshal SUPT Jerry Candido, may nakakita nga daw indi mapahamtang si alyas Nonoy sang Barangay Agusipan, Badiangan. Pero sang nakita sini ang madamo nga tawo, nagdalagan siya kag nagsaka sa atop. Na-engganyo naman ini nga magpanaug.

Gin-ako ni Nonoy nga nagamit siya sang illegal drugs antes nagsaka sa atop. Ginpahayag sini nga first time niya magamit sang shabu.

Ginsaysay ni Nonoy nga ginhagad siya ni certain Alexander nga magbaligya sang uling sa syudad antes nagbakal sang shabu sa balor nga 100 pesos. Indi naman sini madumduman kon diin sila nagbakal sang druga. Ginkustodiya sang Molo police ang menor-de-edad. (Aine Grace Bravo)