July 6, 2022

Kaso nga pagpatay kay Taytay sa Kauswagan HR Supervisor Leah Pasamonte, amat-amat na nga nagasanag kasunod sang pagsurrender sang duha ka lalaki nga nag-ako sa krimen!

Read Time:45 Second

Pototan, Iloilo–Amat-amat na nga nagasanag ang kaso sang pagpatay kay Taytay sa Kauswagan, Inc. HR Supervisor Leah Sorongon-Pasamonte bangud sang pagsurrender sang duha ka suspetsado sa krimen kag pag-file sa ila sang kaso.

Bisan indi sa Pototan natabu ang krimen, ginatinguhaan sang Pototan police suno kay PSINSP Ariel Corsino nga makabulig sa imbestigasyon bangud residente sang lugar ang biktima. Nagabulig sa pagtipon sang impormasyon ang Pototan police angut sa kaso kag gina-turn over sa Dumarao police, National Bureau of Investigation kag CIDG.

Ginapadalman pa gid suno kay Corsino sang kapulisan ang pag-imbestigar sa krimen tubtub nga matumod kon sin-o pa ang posible kahimbon nanday Hadjie Tolentino sang Malusgod, Pototan kag Leomar Palencia sang Punong Grande, Dueñas sa pagpatay kay Pasamonte. Indi mag-untat suno sa iya ang mga imbestigador tubtub indi masolbar ang krimen kag mahatagan sang hustisya ang pamilya sang biktima. (Aine Grace Bravo)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 24-anyos nga babaye, nabiktima sang Budol-Budol Gang!
Next post Bacolod City: Anay pulis kag sibilyan, patay sa pagpangluthang sang riding-in-tandem