Lalaki sa Lapuz nga ginbayaan sang nobya, patay sang naghikug!

Iloilo City–Patay na sang nasapwan ang 38-anyos nga lalaki nga nagabitay sa iya kuwarto sa Zone 3 Brgy. Bo. Obrero, Lapuz kagab-i.

Ginkilala ini kay Mario sang amo man nga lugar. Si Mario ang nagtrabaho sadto nga welder sa Cebu kag nakanobya didto. Pero nagbulagay ang mga ini bangud nakakita sang bag-o nga nobyo ang babaye.

Suno sa pamilya ni Mario, nagsuprer ini sang nervous breakdown bangud sa masami nga madumduman ang iya anay nobya. (Aine Grace Bravo)