Duha Patay kag Isa ang Pilason sang nagbungguanay ang 2 ka Motorsiklo sa Guimaras

Guimaras — Duha Patay kag isa ang pilason sang nagbungguanay ang duha ka motorsiklo sa San Lorenzo, Guimaras kagab-i.

Gindala pa sa ospital sanday Arnel Tanaleon, 32-anyos kag Romil Guinsatao, 52-anyos, lunsay driver sang duha ka motorsiklo apang napatay bangud sa patal nga pilas sa ulo.

Pilason naman ang backrider ni Guinsatao nga si Dionald Mensenabes nga padayon nga ginabulong sa ospital.

Sa imbestigasyon sang San Lorenzo Police, madasig ang dalagan ni Tanaleon kag naglapaw sa pihak nga karsada ang iya motorsiklo kabangdanan nabungguan ang motorsiklo nga ginadala ni Guinsatao. (Nemesio Martirez)