Councilor Joshua Alim, napilitan nga mag-privilege speech sa regular session sang konseho matapos wala pa na-release ang P3-M nga pundo para sa Water Delivery sang mga Barangay nga apektado sang El Niño

Iloilo City — Mahimo nga ma-release ang 3 ka milyon ka pesos nga pundo bisan indi pag-ipaagi sa bidding.

Gin-athag ni Councilor Joshua Alim nga ginapasugtan ang direct purchase kon may kalamidad kasubong sang el niño phenomenon.

Napilitan si Alim nga mag-deliver sang privilege speech sa regular session sang city council bangud ginasukot na siya sang mga pumuluyo kon diin na ang 3 ka milyon ka pesos nga gamiton sa pag-deliver sang tubig sa mga kabaranggayan nga apektado sang el niño.

Gin-aprobahan sang city council ang pagpa-in sang 3 ka milyon ka pesos nga pundo matapos gindeklarar ang syudad sa State of Water Calamity sang Marso 15.

May rason para ma-release ang pundo suno kay Alim bangud 24 na ka mga barangay ang naga-experyensya sang water shortage bangud wala na sang tubig ang linya sang MIWD kag hubas naman ang ila mga bubon.  (JoMaque)