PDRRMC, nag-aprobar sang Resolution nga Ipaidalum sa State of Calamity ang Probinsya bangud sa Epekto sang El Niño phenomenon

Iloilo — Ginpa-idalom sa state of calamity ang probinsya sang Iloilo matapos nahalitan ang pananom sang el niño phenomenon.

Gin-aprobahan sang Provincial Disaster Risk Reduction and Management Council ang resolution nga ipaidalom sa state of calamity ang probinsya suno kay Provincial Administrator Raul Banias base sa National Disaster Coordinating Council Memorandum No. 4 series of 1999.

Nakasaad sa memorandum suno kay Banias nga pwede madeklarar nga state of calamity ang probinsya kon masobra sa duha ka banwa ang nahalitan.

4 na ka banwa ang nahalitan sang malawig nga tig-ilinit nga nalakipan sang Sta Barbara, Dueñas, Calinog kag Estancia.

Natalana na nga isumiter sang PDRRMC ang resolution sa Sangguniang Panlalawigan agod aprobahan sang provincial board  sa Abril 19 nga regular session.  (JoMaque)