Presu sa Aklan Rehabilitation Center, Naghabok ang Kinatawo matapos Gin-injectionan sang Baby Oil

Aklan — Ginhikayan sang asawa ang kinatawo sang  iya bana  nga priso sa Aklan Rehabilitation Center.

Ini ang rason suno kay ARC prison guard 2 Teddy Esto kon ngaa gin injeksyonan sang baby oil ang kinatawo ni alyas Gamay, 39 anyus sang Cubay Sur Malay Aklan.

Na-infection kag nagdako kasubong sang tinapa ang kinatawo ni alyas Gamay kabangdanan nga gin-admit sa Dr. Rafael Tombokon Memorial Hospital sa Kalibo Aklan.

Nag-opod na sa iban nga lalaki ang asawa ni alyas Gamay suno kay Esto kag nagapoyo subong sa Tablas Romblon.

Si alyas Gamay ang napriso sang Marso 15 sa kaso nga frustrated homicide bangud nadalahig sa binun-anay sa ila barangay.

Natukiban nga nagbanog ang kinatawo ni alyas Gamay sang nagtaas ang hilanat sang Abril 18. (Nemesio Martirez)