41-anyos nga Lalaki, Ginpreso Matapos Nadakpan nga Nagpanglingling Sang Menor-de-edad sa Banyo sang Beach Resort sa Banate!

Banate, Iloilo–Dakup sa akto ang 41-anyos nga lalaki nga nagapangling-ling sa menor-de-edad nga nagapaligo sa banyo sang beach resort sa Banat.

Gin-aresto sang Banate police si Resurrection Lagradante alyas Tikloy sang Poblacion, Banate matapos ginreport nga nagapanglingling sa banyo kag ginakuhaan pa sang cellphone video ang biktima. Ginpahayag nag-check in sa beach resort ang suspek kag ginkuha ang kuwarto malapit sa banyo.

May na-recover pa sa bulsa sang suspek ang isa ka sachet sang suspected shabu nga ginbanta nagabalor sang P7,000 sang ginrekisa. Preso na si Lagradante sa karsel sang Banate Police Station. (Aine Grace Bravo)