PECO, Nakahanda na sa Mayo 9 nga Eleksyon!

Iloilo City–Handa na ang Panay Electric Company (PECO) para sa Mayo 9 nga eleksyon.

Suno kay Engr. Randy Pastolero, Vice President for Operations sang PECO, naka-plastar na ang ila contingency measures kon may emerhensya sa adlaw sang eleksyon. Nagsapol ang PECO upod sa Panay Energy Development Corporation kag na-istoryahan ang feedback power pananglitan gulpi nga mag-shutdown ang planta.

Ang feedback power suno kay Pastolero, magahalin sa National Grid Corporation of the Philippines (NGCP) agud mapa-andar ang diesel plant. Bisan indi mataas suno sa iya ang load sang diesel plant, pa-andaron ini sang NGCP agud masalo gilayon ang supply nga kinahanglan sa mga eskuwelahan sa eleksyon.

Magluwas sini, gin-establisar man sang PECO ang ila communication system ilabe na ang mga contact persons nga puwede matawgan sa tion sang emergensya. (Aine Grace Bravo)