Holland Water, Wala pa sang Nahatag nga Delivery Receipts sa CDRRMC nga Makapamatuod nga Naka-deliver Sila sang Tubig sa mga Barangay nga may Water Shortage

Iloilo City–Wala pa gid sang may nabaton nga delivery receipt si City Disaster Risk Reduction and Management Council Secretariat kag focal person Darwin Papa halin sa Holland Water Refilling Station.

Suno kay Papa, schedule pa lang sang water delivery sa 11 ka mga barangay ang nahatag sang Holland Water. Nagakahulugan nga wala pa ini nakasugod sa pagrasyon sang tubig sa mga apekado nga barangay.

Nadesisyunan  sang Liga ng mga Barangay, Philippine Red Cross, CDRRMC kag Holland Water nga si Papa ang magatipon sang delivery receipts kag letter of acceptance halin sa mga punong barangay.

Abril 20 pa sang gin-award sang syudad ang kontrata sa Holland Water apang tubtub subong, wala gid bisan isa sa mga apektado nga barangay ang nagkumpirmar nga nakadtuan sila sang water tanker sang Holland Water. (Aine Grace Bravo)