Indi tanan nga nga Gin-reject nga Balota sang VCM, hatagan sang Replacement ballot

Iloilo City — Indi tanan nga ginreject nga balota sang vote counting machine (VCM) ang hatagan sang replacement ballot sa iya pagboto buwas.

Pa-athag ni Atty. Joemar Betita, City Comelec Officer, hatagan sang board of election inspector (BEI) sang replacement ballot ang botante kon masiguro nga wala ini sang sala kon ngaa gin-reject sang VCM ang una nga balota.

Maka-isa lang suno sa iya mahimo nga hatagan sang replacement ballot ang botante.

Kon mapamatud-an naman nga sala sang voter kon ngaa wala ginbaton sang VCM ang iya balota, indi na ini mahatagan sang replacement ballot.

Ginlaygayan ni Betita ang botante nga i-check gid ang balota nga mabaton halin sa BEI.

Dapat wala sang anuman nga markings ang balota kag indi malukot bangud i-reject ini sang VCM gani dapat mangin mahinalungon ang botante samtang naga-shade sang iya mga kandidato.

Ginpahayag ni betita nga indi pag-isipon sang VCM ang boto kon sobra sa gintalana nga numero pero ginapasugtan naman ang under voting. (JoMaque)