Liquor Ban, Ipatuman sa Mayo 8 kag 9

Ginpahanumdom ni Police Regional Office 6 Spokesman PSUPT Gilbert Gorero ang publiko sa pagsugod sang liquor ban las 12:01 sa kaagahon sang Mayo 8.

Suno kay Gorero, duha ka adlaw nga ipatuman ang liquor ban nga magatapos sa tungan gab-i sang Mayo 9, election day. Ini nagatuyo nga mapasiguro ang malinong nga piniliay.

Bangud sini, nagpangayo sang pasensiya si Gorero ilabe na sa mga may fiesta buwas nga indi na maglagaw kun naka-inom bangud ipatuman gid nila ang liquor ban. (Aine Grace Bravo)