Ginakargahan sang Baboy, Nabunggu-an sang Pribado nga Salakyan sa Mandurriao!

Iloilo City–Pilason ang pasahero sang motorsiklo nga may sidecar nga ginakargahan sang baboy sang nabungguan sang pribado nga salakyan sa circumferential road sa Hibao-an, Mandurriao.

Napilasan sa wala nga guya kag nabagrasan sa lawas si Jun-Jun Arpon sang Cabatuan samtang nabagrasan man ang driver sang motorsiklo nga si alyas Nonoy. Nag-alang alang sa pag-overtake ang Nissan Navarra gani nabungguan sini ang motorsiklo sang mga biktima kag nagtabog sa talamnan.

Madasig nga gindala sa ospital ang mga biktima. (Aine Grace Bravo)