Mga Establisimento Komersyal sa Syudad, ginpanugyanan nga mangin Mabinantayon kasunod sang Pag-hold up sa Negosyante nga Babaye sa Parking Area sang Robinson’s Mall

Iloilo City — Kinahanglan nga mangin mabinantayon ang mga guwardiya sa mga establisemento komersyal sa syudad.

Ginpanugyan ini ni Chief Inspector Rio Maymay, hepe sang Police Station 1 sa mga tag-iya sang establisimento sa ginhiwat nga sinapol sang damlag lang.

Ang panugyan ni Maymay kasunod man sa paghold-up sa 37-anyos nga negosyante nga babaye kag sa iya 8-ka tuig nga bata sa parking area sang Robinson’s Place sang Mayo 18 sang gab-i.

Kinahanglan nga masanag ang mga parking areas suno kay Maymay agud indi masulit ang insidente.

Suno kay Maymay, madulom ang parking area sa Robinson’s Place kabangdanan nga nagmadinag-on ang suspek sa paghold-up sa mag-iloy sa diin P16,600 pesos ang nataban sang suspetsado. (JoMaque)