1 ka Soldado Patay, 2 Pilason sa Engkwentro Kontra sa Ginapatihan mga Rebelde nga NPA sa Negros Occidental
NIR–Isa ka soldado ang napatay kag duha ang pilason sa enkwentro kontra sa ginapatihan nga rebelde nga CPP-NPA sa Escalante City, Negros Occidental sang weekend.
Suno kay Lieutenant Colonel Ray Tiongson, spokesman sang 3rd Infantry Division sang Philippine Army, ginapatihan nga ang naka-enkwentro sang mga katapo sang 66th Infantry Battalion amo man ang responsable sa pagpatay sa duha ka mangunguma sa Sagay City sang Mayo 22. May mga testigo suno kay Tiongson nga naghambal nga may pilason sa mga rebelde samtang nagapalagyo ang mga ini.
May na-recover naman ang mga soldado nga isa ka bala sang rifle kag m203 sa area. Padayon ang paglagas suno kay Tiongson sa mga rebelde agud mahatagan sang hustisya ang ila mga nabiktima. (Aine Grace Bravo)