30-anyos nga Babaye, Naghikog sa Kahadlok nga Mabal-an sang Ginikanan nga wala siya Naka-gradwar sa Kolehiyo

Tigbauan, Iloilo — Nakulbaan ang 30-anyos nga babaye nga mabal-an sang ginikanan nga wala siya naka-graduate sa kolehiyo kabangdanan nga nagpanginmatay.

Nasapwan si Renalyn Taño sang Sitio Intik, Brgy. Cordova, Tigbauan nga nagabitay sa puno sang serguelas sa likod sang ila balay.

Suno kay PO1 Ian Lim, ginpeke ni Taño ang certification nga naka-graduate siya sa kolehiyo apang sa pagkamatuod, 2nd year lang ang iya natapusan.

Indi na pag-ipa autopsy sang pamilya ang bangkay sang ila himata sa pagpati nga wala sang foul play sa iya kamatayon. (JoMaque)