Hepe sang San Miguel Police Station-PINSP Gladys Mae Bauzon, Ginrekomendar nga mangin Aide-de-Camp ni President-elect Rodrigo Duterte

Iloilo–Ginrekomendar nga mangin aide-de camp ni President-elect Rodrigo Duterte ang chief-of-police sang San Miguel Police Station nga si PINSP Gladys Mae Bauzon.

Daku nga bugal suno kay Iloilo Police Provincial Office (IPPO) Director PSSUPT Roderick Augustus Alba sa ila kon makasulod si Bauzon bilang aide-de camp ni Duterte. Naka-isyu na sang letter order si Alba para sa pagpadulong ni Bauzon sa Camp Crame subong nga semana.

Kon indi naman makasulod suno sa iya si Bauzon bilang aide-de camp ni Duterte, himuon ini nga miembro sang Presidential Security Group ukon PSG.

Magadepende na sa bag-o nga alkalde sang San Miguel kon sin-o ang pilion sini nga bag-o nga chief-of-police. (Aine Grace Bravo)