Sunod-Sunod nga Buybust Operations, Ginhimo sang mga Pulis sa Probinsya

Iloilo–Wala tuo nga mga buybust operations sang mga pulis sa probinsya.

Nadakpan sang Pototan police si Jose Kuan, 56-anyos sang Dingle matapos nakuhaan sang siyam ka plastic sachets sang suspected shabu kag mga drug paraphernalia. Suno kay PSINSP Ariel Corsino, hepe sang Pototan Police Station, madugay na nga naga-engage sa pagbaligya sang illegal nga druga si Kuan. Nadakpan ini na sang 2014 pero nakapiyansa kag nagbalik sa pagbaligya sang shabu.

Sa Barotac Nuevo, arestado si Quincy Jimena, 25-anyos sang Barangay Tabucan sa amo man nga banwa. Nakuhaan si Jimena sang lima ka sachets sang suspected shabu. Si Jimena ang gintudlo sang mga pulis nga madugay na nga yara sa ila drug watchlist.

Samtang nabaklan sang duha ka sachets sang suspected shabu si Rofer Libre, 36-anyos sang Barangay Balud, Masbate, sa banwa sang Carles. (Aine Grace Bravo)