Mga Pulis kag Soldado, Gin-engganyo ni BM Manny Gallar nga Bungkagon ang Private Armies ukon Goons sa Probinsya!
Iloilo–Engganyuhon ni Board Member Manny Gallar ang mga pulis kag soldado nga bungkagon ang matumod nga privates armies ukon goons sa quinto distrito kon mapamatud-an ang ila presensya sa lugar.
Dapat nga himuon sang kapulisan kag Philippine Army ang tanan agud nga madula ang ginreport nga presensya sang grupo sa Northern Iloilo. Wala sang lugar sa probinsya suno kay Gallar ang private armies ukon goons bangud nagatrabaho sila sa pribado nga indibidwal ukon grupo.
Sa masunod nga regular session sang Sangguniang Panlalawigan, ipatawag ni Gallar bilang chairman sang Committee on Public Order and Safety sanday IPPO Director PSSUPT Roderick Augustus Alba, Provincial Election Officer Wil Arceño kag 301st Brigade Army Commander Eric Ochida agud pangayuan sang pa-athag sa ginpahayag pag-egsister sang goons sa 5th District.
Nag-ugat ang impormasyon sa pagtiro patay sa mga supporters ni Estancia Mayoralty Candidate Melina Requinto sa Sitio Panian, Balasan sang Mayo 8 sa diin gintudlo nga konektado sa pulitiko sa quinto distrito ang grupo nga responsable sa krimen. (Aine Grace Bravo)
Kun sa banwa sang Estancia man lang, si rene cordero man lang da ang may mga goons.mga taga-pototan kag sara ang kalabanan.makita ninyo man ina kun makakadto kamo sa banwa.sang panahon ni late mayor baby aclaro,wala man sang mga goons da.