UPDATE: City Engineer Bobby Divinagracia, Nagpasalig nga Matambung sa Imbestigasyon sang Konseho Angut sa Isyu sang Water Delivery

Iloilo City–Nagpasalig si City Engineer Bobby Divinagracia, miembro sang Bids and Awards Committee nga matambong sila sa committee hearing sang City Council sa Lunes, Hunyo 6.

Kasunod ini sang pagpahibalo ni BAC Chairman Joren Sartorio nga ma-absent sa hearing bangud ma-upod siya sa delegasyon sang syudad sa New York City para sa performance sang Tribu Salognon sa Philippine Independence Day celebration. Suno kay Divinagracia, kaupod niya nga matambong ang iban pa nga miembro sang BAC nga sanday City Administrator Norlito Bautista, City Legal Office Dan Dinopol kag Joy Ann Toledo.

Gin-imbitar sang City Council ang BAC sa committee hearing agud magpa-athag sa pag-award sang kontrata sa Holland Water Refilling Station sa pag-deliver sang tubig sa mga barangay bisan wala ini sang standby water tanker. (Aine Grace Bravo)