Update: Guimaras government, Nagapreparar na sang Kaso kontra sa Iloilo City Government kag Double Dragon agud Punggan ang mga Probisyon sa JVA sa GIFT

Iloilo City — Ginahulat sang Integrated Bar of the Philippines (IBP) Guimaras Chapter ang desisyon sang korte sa ila gin-file nga kaso para sa rescission of contract with injunction sa Guimaras-Iloilo Ferry Terminal sa Parola area.

Suno kay Atty. Vincent Pascal De Asis sang IBP-Guimaras, nakapresentar na sila para sa injunction.

Nagapangamuyo suno sa iya ang grupo nga ma-grant ang ginapangayo nga injunction.

Kon indi paborable ang desisyon sang korte, ginpabutyag ni De Asis nga makaluluoy ang mga Guimarasnon bangud ma-agwanta sila sa pagbayad sang P11 nga terminal fee kon maglabay sa GIFT.

Magahimo man sang tikang ang mga abogado sa Guimaras suno kay De Asis agud punggan ang pagpatuman sang terminal fee kon indi paborable sa ila ang desisyon sang korte.

Nagalaum si De Asis nga mapaguwa sang korte ang desisyon antes ang Hunyo 23 nga ginreport nga pagbukas sang city mall kag GIFT. (JoMaque)