Babaye, Nasapwan nga Hublas kag Patay na sa Gina-okupar nga Kuwarto sa Lodging House sa Arevalo!

Iloilo City — Nasapwan nga hublas kag patay na ang babaye sa sulod sang kuwarto sang Moonlight Lodging House sa Sto Niño Norte, Arevalo kaina.

Suno sa room boy nga si Oratio Fructouso, alas 2:45 kaina sang kaagahon una nga nag-check in babaye. sSnod naman nga nag-abot ang lalaki nga sakay sa taxi.

Wala na nakatalupangod ang mga staff sang lodging house nga may natabu sa sulod sang room 5 nga gina-okupar sang mag-partner matapos ang ulihi nila nga order pasado alas 4 sang kaagahon.

Wala man natalupangdan ang paguwa sang lalaki nga posible nag-agi sa likod nga parte sang motel.

Ginpahayag sang room boy nga natingala na lang sila sang wala pa nakaguwa pasado alas 12 sang udto ang babaye.

Ginpatihan sang mga ini nga nagpalagyo ang customer gani ginkuhaan sang duplicate nga liyabe kag nakita nga hublas na sa idalum sang kama ang babaye.

Indi pamilyar sa mga staff sang lodging house ang babaye bangud bag-o lang ini nila nga customer. (JoMaque)