UPDATE: Lalaki nga Ginhal-id sa Barangay Dawis, Pototan, Nakilala na!

Pototan, Iloilo—(UPDATE) Nakilala na ang lalaki nga nasapwan nga wawa ang puwak kag may igo sang pagkatiro sa guya sa Barangay Dawis kahapon.

Suno kay PSINSP Ariel Corcino, hepe sang Pototan Police Station, ginkilala ang biktima kay Morito dela Peña, temporaryo nga naga-istar sa Barangay Tacas, Jaro kag tumandok sang Negros Occidental. Positibo ini nga ginkilala sang tag-iya sang balay nga iya gina-istaran sa Jaro.

Nangin lead sang mga pulis sa pag-identify kay dela Peña ang nakuha nga papel sa bulsa sini nga may nasulat nga siya ang nagpatay sa duha ka ice cream vendors sa Tacas, Jaro sang Enero. Ginapatihan nga ginpatay sa iban nga lugar si dela Peña kag gintapok sa Pototan bangud wala man sang may nabatian nga lupok sang pusil ang mga pumuluyo. (Aine Grace Bravo)