24-anyos nga Lalaki, Nasapwan nga Patay na sa Dumangas

Iloilo — Nasapwan nga patay na ang 24-anyos nga lalaki sa Balabag Dumangas kaina sang kaagahon.

Suno kay SPO2 Roger Parcon sang Dumangas Police Station, ginkilala ang biktima kay Warren Magno, 24-anyos sang Bongco Pototan nga may pilas sa likod nga parte sang ulo.

Nadakpan sa hot pursuit operation sa Nanga Pototan si Venanso Villa, amay ni April Rose nga live-in partner sang biktima matapos gintudlo nga amo ang naglampos kay Magno.

Ginapreparar na sang Dumangas Police ang kaso nga murder batuk sa suspek. (JoMaque)