Uncategorized

Tampad nga Taxi Driver, Nagbalik sang mga Cellphones nga Nabilin sa iya Salakyan

Iloilo City — Ginkalipay ni Angel Ambos sang Pavia ang pagbalik sa iya sang 11 ka mga cellphones lakip na ang 2 ka tablets nga iya nabilin sa ginsakyan nga taxi kahapon.

Gin-turn over ni Dennis Torenia sang Brgy. Salakay Cabatuan kag driver sang Legaspi Taxi ang mga gadgets nga nasulod sa gamay nga shopping bag sa Aksyon Radyo Iloilo.

Suno kay Angel, nagatrabaho sa Play Telecom sa SM City, ginpakay-o lang sa ila shop ang mga gadgets gani daku ang kalipay niya sang ginbalik ini sang taxi driver.

Ginabanta nagabalor suno sa iya sa P38,000 ang mga gadgets.

Dako naman ang pasalamat ni Angel sa taxi driver. (JoMaque)

Leave a Reply