Sunog nga Bangkay, Nasapwan sa Circumferential Road sa Jaro!
Iloilo City–Nakilala na ang sunog nga bangkay nga nasulod sa plastic bag sa circumferential road sa Balabago, Jaro kaina sang kaagahon.
Gin-identify ni Licky Boy Datu Imam ang biktima nga amo si Jalil Abu Bakr sang Marawi City kag duha ka bulan pa lang nga naga-istar sa Ticud, Lapaz. Si Abu Bakr ang bana sang hinablos ni Imam nga si Minda Unday nga missing naman tubtob subong.
Suno kay Imam, naglisensya lang ang mag-asawa nga may kadtuan kagab-i sang naghulam sang duha ka motorsiklo nanday Aniza Agama kag Wahid Agama, lunsay mga residente man sang Ticud, Lapaz.
Una na ginpahayag ni PINSP Arnel Bigcas, deputy commander sang Jaro Police Station, nga ang ila mobile patrol ang nakakita sang gin-abandonar nga mga motorsiklo kag sang bangkay samtang naga-roving pasado alas-12 kaina sang kaagahon. (Aine Grace Bravo)