9 Arestado sa Buybust Operation sa Pototan
Pototan, Iloilo–Siyam ang nadakpan lakip ang subject sa buybust operation sa Barangay Guinacas kahapon.
Suno kay PSINSP Ariel Corcino, hepe sang Pototan Police station, nabaklan si Joselito Pendon, 52-anyos sang amo man nga lugar sang suspected shabu. Pero natukiban nga may drug den man sa area kag nadakpan ang walo ka iban pa.
Ginkilala ang iban pa nga nadakpan kanday Hernel Paredes, 33 sang San Jose Ward, Pototan; Cyril Pedrajas, 18 sang Cato-ogan, Pototan; Daniel Magbanua, 29 sang Parcon Ward, Pototan; Leonito Espinosa, 31 sang Bularan, Banate; Chaoleeh Lorca, 27 sang Carmelo, Banate; John Mervin Linaogo, 30 sang Poblacion Ilaya, Lambunao; Mark Lawrenz Lial, 32 sang Poblacion Ilawod, Lambunao kag Jhon Rey Labador, 35 sang Tabuc Suba, Jaro.
Siyam ka plastic sachets sang suspected shabu ang narecover lakip na ang 500 pesos nga buybust money kag mga drug paraphernalia. (Aine Grace Bravo)