UPDATE: City Council kag Double Dragon Properties Corporation, Magadayalogo Subong nga Adlaw angut sa GIFT Project

Iloilo City–Hiwaton subong nga adlaw ang dayalogo sang mga miyembro sang City Council sa Double Dragon Properties Corporation may kaangtanan sa pag-bukas sang Guimaras-Iloilo Ferry Terminal project.

Madamo nga sidewalk vendors ang nawad-an sang palangabuhian sa Parola bangud sa GIFT project. Sang nagligad nga regular session nag-privilege speech si Councilor Armand Parcon may kaangtanan sa problema sang masobra 30 ka sidewalk vendors nga ginpang-demolish ang ila stalls. Luyag sang mga konsehal nga mabal-an ang plano kag commitment sang Double Dragon kon san-o gid mabukas ang terminal kag ano ang mabulig sa mga vendors.

Kalabanan nga nagabaligya sa Parola kilala ni Councilor Parcon bangud nga nangin kasilingan niya sang una sa Concepcion, City Proper. (Aine Grace Bravo)