Councilor Plaridel Nava, Ginpasiguro nga Balabagan nila ni Councilor Joshua Alim ang anuman nga Tikang sa Konseho nga Magapasira sang Ortiz kag Parola Wharves sa Pag-operate sang GIFT

Ginpasiguro ni Councilor Plaridel Nava nga balabagan nila ni Councilor Joshua Alim ang anuman nga tikang sa konseho nga magapasira sang Ortiz kag Parola wharves sa pag-operate sang Guimaras-Iloilo Ferry Terminal. Nagalaum si Nava nga mangin consistent man ang iban nila nga kaupod sa konseho nga nagapanindugan na subong bisan nga wala nagasantu sa administrasyon. Gintumod sang konsehal sanday Councilors Ed Peñaredondo kag Armand Parcon nga nakita sini nga wala na nahadluk maghambal sang ila ginapanan-aw nga indi ensakto. Nagapati naman si Nava nga kon maka-isyu ang korte sang temporary restraining order ukon injunction batuk sa GIFT, mapatay na lang ang proyekto. Kon matabu, mahimo naman makalagas ang Double Dragon Properties Corporation nga developer sang GIFT paagi sa pagpangayo sang actual damages. (Nemesio Martirez)