December 4, 2021

Aksyon Radyo Exclusive: Driver sang Taxi, Nag-ako sa Aksyon Radyo Iloilo nga Siya ang Ginsakyan sang Menor nga Nasapwan sa Moonlight Lodge kag sa Suspek

Read Time:1 Minute, 4 Second

Iloilo City–Nagpadulong sa Aksyon Radyo Iloilo ang taxi driver nga nag-ako nga siya ang ginsakyan sang ginpatay nga 15-anyos nga dalagita nga nasapwan sa Moonlight Lodge sa Arevalo kag sang suspek sang Hunyo 13 sang kaagahon.

Suno kay alyas Dodoy, nagsakay sa iya ang suspek sa corner Mabini-Ledesma, City Proper kag nagpangita sang babaye. Nagpakilala suno sa iya ang lalaki nga nagabiyahe sang truck sang Bmeg kag ginlaragway nga indi maglapaw sa 40-anyos ang edad, may buy-on, may mga punggod sa agtang kag nakasuksok sang tshirt nga puti, hacket kag shorts.

Gin-ako ni Dodoy nga siya ang nagtext sa biktima nga nagapangita sang babaye ang iya pasahero kag ila ini ginhapitan sa atubang sang Tanza church antes nagdiretso sa lodging house. Nakilala ni Dodoy ang biktima bangud masami siya nagakaun sa Tanza sa diin naga-istar ang dalagita.

Ginpahayag ni Dodoy nga wala man nagcheck ang roomboy sa iya mga pasahero sang nag-abot sila sa lodging house. Wala pa suno siya nabayaran sang suspek bangud ginpahulat siya pero may gindul-ong siya nga mga pasahero nga halin sa lodging house.

Nabatian na lang sini sa aksyon radyo ang interview sa iloy sang biktima nga nagahibi kag nagapangayo sang hustisya sa natabu sa iya anak. (Aine Grace Bravo)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mga Taga-Estancia, Napuhag sa Pagpanghostage sang Lalaki nga Ginapatihan High sa Druga sa Police Station; Suspek, Napatay Sang IPPO-SWAT Makaligad ang Halos Tatlo ka Oras nga Pagpanghostage!
Next post Emisaryo sang Drug Lord sa Iloilo, Nagkadto sa Davao agud Ipalab-ut ang Ginpahayag nga Tuyo sini nga Magsurrender